Fróðleikur

Á kvennaári 2025 taka hagfræðingar BSRB og ASÍ höndum saman og birta mánaðarlega tölfræði um stöðu kynjanna á íslenskum vinnumarkaði.

Stytting vinnuvikunnar á Íslandi gerðist ekki af sjálfu sér heldur var samið um hana í kjarasamningum 2020 eftir langt ferli, tilraunaverkefni á fjölmörgum vinnustöðum og mikla baráttu af hálfu BSRB. Þetta kemur fram í nýrri ritröð EPSU, Evrópusamtaka opinberra stéttarfélaga, sem varpar ljósi á styttingu vinnutíma í Evrópu

Aðgerðahópur um launajafnrétti og jafnrétti á vinnumarkaði var skipaður af forsætisráðherra þann 13. desember 2021. Stofnun hans á rætur að rekja til kröfu BSRB um að gripið verði til aðgerða til að leiðrétta kerfisbundið vanmat á kvennastörfum.

Það er ljóst að tími mikilla breytinga er runninn upp á vinnumarkaði og þeirri þróun spáð áfram næstu árin. Samkvæmt framtíðarspám verður mest fjölgun í störfum við almenna umönnun, þjónustu við aldraða, í byggingariðnað og ferðaþjónustu, svo eitthvað sé nefnt, en á móti fækkar störfum í móttöku, afgreiðslu, bakvinnslu og almennum skrifstofustörfum.

Starfsfólk Reykjavíkurborgar og ríkis sem sem átti gjaldfallið orlof þann 1. maí 2019 og starfsfólk sveitarfélaga sem átti gjaldfallið orlof 1. apríl 2020 getur tekið það út til 30. apríl 2023.

Rangir útreikningar sveitarfélags á lausnarlaunum starfsmanns voru leiðréttir eftir erindi BSRB og gert var upp við starfsmanninn með réttum hætti.

Trúnaðarmenn teljast uppfylla vinnuskyldu sína með námskeiði og eiga ekki að mæta á kvöldvakt sama dag og slíkt námskeið samkvæmt niðurstöðu Félagsdóms.

Stéttarfélög og vinnustaðir þurfa að gera ráð fyrir hlutlausri skráningu kyns í kjölfar lagasetningar um kynrænt sjálfræði sem tóku gildi árið 2019.

Jafnréttislöggjöfin á Nýja-Sjálandi hefur tekið umtalsverðum breytingum á undanförnum árum eftir að kona sem starfaði á hjúkrunarheimili vann dómsmál.

COVID-19 virðist hraða þeirri þróun á vinnumarkaði að störfum innan ákveðinna starfsgreina mun fækka á meðan ný störf verða til í öðrum geirum.