Flest aðildarfélög BSRB hafa ákveðið í samráði við viðsemjendur sína að fresta samningaviðræðum fram í ágúst.
Á fundi samninganefndar ríkisins við Sjúkraliðafélag Íslands, Landssamband lögreglumanna og SFR-stéttarfélag í almannaþjónustu fyrir helgi var gengið frá bókun þess efnis að fresta frekari samningaviðræðum til 6. ágúst næstkomandi. Nú hafa önnur aðildarfélög BSRB sem semja við ríkið einnig gengist undir þetta samkomulag en samningar flestra félaganna hafa verið lausir frá 30 . apríl.
Jafnframt var samþykkt ákvæði á milli aðildarfélaga BSRB og Samningarnefndar ríkisins um að takist samningar milli félaganna og ríkisins fyrir 30. september muni gildistími þeirra samninga verða frá 1. maí sl.
Þá hafur sambærilegt samkomulag verið gert við Samninganefnd Sambands íslenskra sveitarfélaga fyrir þau aðildarfélög BSRB sem semja við sveitarfélögin.
Félögin sem um ræðir eru:
Félag flugmálastarfsmanna ríkisins
Félag opinberra starfsmanna á Austurlandi
FOSS stéttarfélag í almannaþjónustu
Félag opinberra starfsmanna á Vestfjörðum
Félag starfsmanna stjórnarráðsins
Kjölur – stéttarfélag starfsmanna í almannaþjónustu
Landssamband lögreglumanna
Landssamband slökkviliðs- og sjúkraflutningamanna
SFR stéttarfélag í almannaþjónustu
Sjúkraliðafélag Íslands
Starfsmannafélag Dala og Snæfellsnessýslu
Starfsmannafélag Fjarðabyggðar
Starfsmannafélag Fjallabyggðar
Starfsmannafélag Garðabæjar
Starfsmannafélag Hafnarfjarðar
Starfsmannafélag Húsavíkur
Starfsmannafélag Kópavogs
Starfsmannafélag Reykjavíkurborgar
Starfsmannafélag Suðurnesja
Starfsmannafélag Vestmannaeyja