PFÍ skrifar undir kjarasamning

Samninganefndir Póstmannafélags Íslands og Íslandspósts hafa undirritað nýjan kjarasamning. Samningsforsendur í þessum samningi taka að stærstum hluta mið af samningsforsendum í samningum SA við SGS, Flóabandalagið og VR frá 29. maí 2015. 

Helstu efnisatriði hins nýja samnings eru að frá 1. maí 2015 hækkar launataflan um kr. 25.000. Félagsmenn sem eru í 9 launaflokk hækka í 10 launaflokk. Þrepum fækkar um 1 þrep.

Launatafla frá 1. maí 2015 - Mánaðarlaun

2. Lágmarkstekjur fyrir fullt starf verða:

1. maí 2015 kr. 245.000

1. maí 2016 kr. 260.000

1. maí 2017 kr. 280.000

1. maí 2018 kr. 300.000

Mánaðarlega skal greiða uppbót á laun viðkomandi starfsmanna sem ekki ná framangreindum tekjum, en til tekna í þessu sambandi teljast allar greiðslur, þ.m.t. hverskonar bónus-, álags- og aukagreiðslur, sem falla til innan ofangreinds vinnutíma. Laun fyrir vinnu umfram 173,33 stundir á mánuði og endurgjald á útlögðum kostnaði reiknast ekki með í þessu sambandi og heldur ekki vaktaálag og skópeningar.


3. Orlofsuppbót fyrir hvert orlofsár (1. maí til 30. apríl) miðað við fullt starf er
á orlofsárinu sem hefst 1. maí 2015 verði orlofsuppbót kr. 42.000
á orlofsárinu sem hefst 1. maí 2016 verði orlofsuppbót kr. 44.500
á orlofsárinu sem hefst 1. maí 2017 verði orlofsuppbót kr. 46.500
á orlofsárinu sem hefst 1. maí 2018 verði orlofsuppbót kr. 48.000

4. Desemberuppbót fyrir hver almanaksár miðað við fullt starf
á árinu 2015 kr. 78.000
á árinu 2016 kr. 82.000
á árinu 2017 kr. 86.000
á árinu 2018 kr. 89.000

5. Fæðisfé frá 1. maí fyrir 2015 verður kr. 8.737 á mánuði

6. Skópeningar bréfbera og bílstjóra sem ekki fá afhenta öryggisskó verða kr. 29.065 fyrir 2015 miðað við fullt starf og mun taka breytingum í samræmi við þróun verðlags á sama tíma og kjarasamningsbundnar hækkanir. Afsláttarkjör sem verslanir veita nýtast starfsmönnum.

7. Ávinnsla orlofsdaga eftir 5 ár í starfi hjá Íslandspósti hækkar úr 25 dögum í 27 daga.

8. Kjarasamningurinn gildir til 31. desember 2018

9. Aðrir liðir kjarasamningsins framlengjast óbreyttir.

10. Samningsforsendur í þessum samningi taka mið af samningsforsendum í samningum SA við SGS, Flóabandalagið og VR frá 29. maí 2015. Verði breytingar vegna samningsforsendna í þeim samningum koma þær líka til framkvæmda í þessum samningi.

11. Í samningnum er bókun um skiplag vinnutíma sem felst í að viðræður eru að fara í gang um breytt fyrirkomulag um vinnutíma á almennum vinnumarkaði sem gæti stuðlað að styttri vinnuviku og þar með að fjölskylduvænni vinnumarkaði. Stefnt er að samkomulagi fyrir árslok 2016.

Félagsmenn PFÍ fá sendan í vikunni kjörseðil ásamt kynningarbæklingi. Kjörseðlar þurfa að hafa borist kjörstjórn PFÍ í síðasta lagi 20. júlí n.k. kl. 10:00. Atkvæði sem send verða með pósti þurfa að vera póstlögð í síðasta lagi fimmtudaginn 16. júlí n.k. Þriðjudaginn 14. júlí verður kynning á nýjum kjarasamningi að Grettisgötu 89 1. hæð kl. 20:00. Félagsmenn eru hvattir til að mæta en frekari upplýsingar eru að finna á heimasíðu Póstmannafélagsins.