Opinn fundur um alþjóðaviðskiptasamninga

BSRB og BHM boða til morgunverðarfundar um alþjóðaviðskiptasamninga og áhrif þeirra á launafólk. Fundurinn fer fram í húsnæði BSRB, Grettisgötu 89, fimmtudaginn 23. febrúar milli klukkan 8 og 9.

Á fundinum mun Ögmundur Jónasson, fyrrverandi þingmaður, ráðherra og formaður BSRB, fara yfir helstu alþjóðaviðskiptasamningana sem nú eru á vinnsluborðinu víða um heim og fjalla um hvers vegna þeir skipta máli. Að lokinni framsögu verður boðið upp á stutt viðbrögð úr sal.

Boðið verður upp á léttan morgunverð. Aðgangur er ókeypis.

Þeir sem hafa áhuga á að fylgjast með fundinum geta farið inn á slóðina straumur.bsrb.is. Þar þarf að skrá inn notendanafn (user name) bsrb og lykilorð (password) bsrb. Þegar innskráning hefur tekist þarf að finna flipann „System Management“ og velja „Live Streaming“. Ef vandamál koma upp er best að byrja á að gæta að því að forritið sem notað er til að horfa á streymið sé uppfært.

Félagsmenn og aðrir áhugamenn um alþjóðaviðskiptasamninga eru hvattir til að mæta og kynna sér þetta mikilvæga mál.

Hægt er að skrá þátttöku í gegnum Facebook.