BSRB óskar eftir að ráða sérfræðing í samskiptum og miðlun í fjölbreytt og krefjandi starf sem reynir á frumkvæði og sjálfstæði í áhugaverðum verkefnum.
Sérfræðingur BSRB í samskiptum og miðlun ber ábyrgð á kynningarmálum bandalagsins, stuðlar að sýnileika þess í opinberri umræðu, heldur utan um ritstjórn á öllu útgefnu efni og kemur að skipulagningu viðburða. Sérfræðingur í samskiptum og miðlun heyrir undir framkvæmdastjóra BSRB en vinnur náið með formanni og öðrum aðilum sem taka þátt í þjóðfélagsumræðunni fyrir hönd bandalagsins.
Um er að ræða lifandi og skemmtilegt starf í hröðu og spennandi umhverfi. Tækifæri til vaxtar og aukinnar ábyrgðar og að hafa áhrif á umræðu um lífskjör og mannréttindi á Íslandi.
Helstu verkefni og ábyrgð
- Ábyrgð á kynningarmálum bandalagsins
- Fréttaskrif, gerð fræðslu- og kynningarefnis og ritstjórn á öllu útgefnu efni
- Umsjón með fjölmiðlasamskiptum
- Ráðgjöf um miðlun upplýsinga og fjölmiðlasamskipti
- Skipulagning og framkvæmd viðburða
- Umsjón með samfélagsmiðlum og vef bandalagsins
- Markviss vöktun á fjölmiðlum og umræðu um málefni BSRB og málefnum tengdum vinnumarkaðinum
Menntunar- og hæfniskröfur
- Góð færni í íslensku og ensku og gott vald á ritun og framsetningu skilaboða er nauðsynleg
- Reynsla af samskiptum við fjölmiðla og af kynningarmálum er æskileg
- Þekking á vefumsjón, samfélagsmiðlum og útgáfu
- Háskólamenntun sem nýtist í starfi og/eða yfirgripsmikil reynsla af miðlun upplýsinga
- Starfið krefst ríkrar samskiptafærni, skipulagshæfileika, gagnrýnnar hugsunar, hugmyndaauðgi og að geta unnið hratt undir álagi