BSRB vill koma á framfæri eftirfarandi viðmiðunarreglum vegna yfirstandandi verkfalls félagsfólks KÍ sem starfar samhliða félagsfólki BSRB.
Ef ekki er farið eftir þessum viðmiðunarreglum er það túlkað sem verkfallsbrot:
- Í verkfalli er meginreglan sú að það starfsfólk sem ekki er í verkfalli sinnir sínum venjulegu störfum og á ekki að gera meira en venjulega. Ekki má setja starfsfólk á aukavaktir eða breyta fyrir fram ákveðnum vinnutíma.
- Ekki á að breyta skipulagi starfsemi í verkfalli. Ekki er heimilt að hafa sama háttinn á og þegar um veikindi, sumarfrí eða önnur frí starfsfólks er að ræða og starfsfólk er fært til. Þannig er ekki heimilt að færa börn, nemendur eða starfsfólk á milli deilda, bekkja eða starfsstöðva.
- Skólastjórar eru æðstu stjórnendur í skólum og hafa heimild til að ganga í störf þeirra sem eru í verkfalli. Aðrir starfsmenn hafa ekki þá heimild.
- Ef deildarstjóri á leikskóla er í KÍ skal sú deild vera lokuð.
- Starfsfólki skóla sem ekki er í verkfalli er óheimilt að taka eigin börn með sér í skólann á meðan verkfallið stendur ef barnið fær ekki ekki að mæta í skólann vegna verkfalls.
Vakni grunur um eða eigi sér stað verkfallsbrot skulu þau tilkynnt til Kennarasamband Íslands.
Ef spurningar vakna getur félagsfólk aðildarfélaga BSRB haft samband við sitt stéttarfélag.
