Nú styttist í alþjóðlegan baráttudag verkalýðsins, 1. maí, og dagskrá hátíðarhaldanna í Reykjavík tilbúin. Sonja Ýr Þorbergsdóttir, formaður BSRB, verður annar ræðumanna á baráttufundi á Ingólfstorgi og Magnús Már Guðmundsson, framkvæmdastjóri bandalagsins, ávarpar baráttufund í Árborg.
Dagskrá 1. maí hátíðarhaldanna í Reykjavík 2019 hefst á því að safnast verður saman á Hlemmi klukkan 13:00. kröfugangan leggur af stað áleiðis niður á Ingólfstorg klukkan 13:30. Lúðrasveit verkalýðsins og Lúðrasveitin Svanur leika í göngunni.
Útifundur á Ingólfstorgi verður settur klukkan 14:10.
Dagskrá fundarins:
- GDRN
- Ræða: Sólveig Anna Jónsdóttir, formaður Eflingar
- GDRN
- Ræða: Sonja Ýr Þorbergsdóttir, formaður BSRB
- Bubbi Morthens
- Samsöngur - Maístjarnan og Internasjónalinn
- Fundarstjóri: Þórarinn Eyfjörð, framkvæmdastjóri Sameykis – stéttarfélags í almannaþágu
Öll dagskráin verður táknmálstúlkuð og sungið verður á táknmáli í tónlistaratriðum. Nánari upplýsingar má finna á Facebook-viðburði vegna 1. maí.
Yfirskrift dagsins að þessu sinni er: Jöfnum kjörin – Samfélag fyrir alla!
Að baráttufundi loknum mun BSRB bjóða gestum og gangandi upp á kaffi og veitingar í húsnæði bandalagsins við Grettisgötu 89. Verið velkomin!
