Kosning um kjarasamning ellefu aðildarfélaga BSRB og Sambands íslenskra sveitarfélaga hófst á hádegi í dag, 15. júní, og lýkur á hádegi á mánudag, 19.júní.
Aðildarfélög BSRB hafa þegar kynnt samninginn fyrir félagsfólki. Mánaðarlaun hækka samkvæmt samningi um að lágmarki 35.000 kr. og desemberuppbót á árinu 2023 verður 131.000 kr. Samkomulag náðist einnig um sáttagreiðslu að upphæð 105.000, auk þess sem var samið um hækkun á lægstu launum og viðbótargreiðslur fyrir tiltekin starfsheiti.
Samningurinn gildir frá 1. apríl 2023 til 31. mars 2024 og nær til um 7000 félagsmanna BSRB.
Félögin sem gera kjarasamninginn eru:
- Félag opinberra starfsmanna á Austurlandi
- FOSS - stéttafélag í almannaþjónustu
- Kjölur - stéttarfélag starfsmanna í almannaþjónustu
- Sameyki - stéttafélag í almannaþjónustu
- Starfsmannafélag Garðabæjar
- Starfsmannafélag Húsavíkur
- Starfsmannafélag Hafnarfjarðar
- Starfsmannafélag Mosfellsbæjar
- Starfsmannafélag Kópavogs
- Starfsmannafélag Suðurnesja
- Starfsmannafélag Vestmannaeyjabæjar
