BSRB

Vorskýrsla Kjaratölfræðinefndar verður kynnt föstudaginn 13. júní, kl. 9:00

Dagný Aradóttir Pind sótti ráðstefnuna fyrir hönd BSRB og flutti erindi í vinnustofu þar sem fjallað var um Kvennaárið 2025.

Meðal efnis skýrslunnar er ítarleg umfjöllun um 47. þing BSRB sem haldið var á starfsárinu, helstu málefni og verkefni formannaráðs, stjórnar og skrifstofu. Þá er farið yfir öll helstu verkefni sem unnin hafa verið frá síðasta aðalfundi sem var í maí 2024. 

Sonja hvatti verkalýðshreyfinguna til að tala máli innflytjenda og styðja baráttu fatlaðra og hinsegin fólks og stuðla þannig að inngildingu og aukinni öryggistilfinningu í samfélaginu. Brúarsmíð væri eitt af mikilvægustu verkefnum á okkar tímum.

Arfleifð Rauðsokkahreyfingarinnar er allt um lykjandi – og hefur mótað samfélagið okkar á ótal vegu,“ sagði Sonja meðal annars. „Barátta þeirra skilaði okkur auknum réttindum, breytti hugmyndum okkar um réttlæti og gildi samstöðunnar og sýndi okkur að það má vera gaman í baráttunni – og að húmor og myndræn framsetning skila oft meiru en orðasalat og neðanmálsgreinar.“

Í Reykjavík mun tilvísun í 1. maí 1970 setja sterkan svip á gönguna. Sá dagur markaði upphaf Rauðsokkahreyfingarinnar þegar konur á rauðum sokkum mættu í kröfugöngu verkalýðsins með risastóra Venusarstyttu og lögðu fram kröfur sínar um kvenfrelsi.

Í ár er Kvennaár og 50 ár frá kvennafríinu sögulega 1975. 1 maí dagskráin í Reykjavík og víða um land er í ár tileinkuð Kvennaári og Rauðsokkahreyfingunni sem markaði upphaf sitt í 1. maí göngunni 1970

Í umsögn BSRB um fjármálaáætlun 2026-2030 er fjármálastefnu ríkissjórnarinnar mótmælt. Til stendur, án rökstuðnings, að draga úr umfangi hins opinbera í hagkerfinu á sama tíma og þarfir almennings eru að aukast og verða flóknari. Horfast þarf í augu við þá staðreynd að skattar hafa verið lækkaðir á undangengnum kjörtímabilum án þess að aflað hafi verið tekna á móti og hefur ríkissjóður því verið rekinn með halla um árabil. BSRB hvetur ríkisstjórnina til að afla frekari tekna til að tryggja að ríkið geti sinnt meginverkefnum sínum sem eru að halda uppi öflugu velferðarkerfi þar sem öll búa við örugga framfærslu, framúrskarandi heilbrigðis- og félagsþjónustu, menntun, jafnrétti og öryggi óháð búsetu og efnahag ásamt innviðafjárfestingu.

Vinnueftirlitið hefur sett af stað nýtt verkefni sem miðar að því að styðja vinnustaði í baráttunni gegn kynferðislegri áreitni. Verkefnið heitir Grípum til aðgerða gegn kynferðislegri áreitni og felur í sér hagnýtt fræðsluefni og verkfæri sem vinnustaðir geta nýtt sér til að bregðast við og vinna markvisst gegn slíku háttalagi.