Fréttir

Það eru vonbrigði að stjórnvöld ætli ekki að nýta jákvæða þróun í hagkerfinu til að styrkja heilbrigðiskerfið, bregðast við vaxandi ójöfnuði og stuðla að aukinni velferð. Þetta er meðal þess sem fram kemur í umsögn BSRB um tekjubreytingafrumvarpið fyrir árið 2023 og Heiður Margrét Björnsdóttir, hagfræðingur hjá BSRB fjallar um í aðsendri grein á Kjarnanum.

Í dag, 24. október, er kvennafrídagurinn. Samkvæmt nýjustu tölum Hagstofu Íslands um launamun kynjanna eru konur með 21,9% lægri atvinnutekjur en karlar að meðaltali.

Við gerð síðustu kjarasamninga var samið um Betri vinnutíma vaktavinnufólks. Í því fólst m.a. að fjölga vaktaálagstegundum, auka vægi vakta utan dagvinnumarka og að greiddur yrði sérstakur vaktahvati sem tekur mið af fjölbreytileika vakta og tíðni mætinga starfsfólks.

Hagspá Landsbankans var birt í morgun og kynnt á fundi í Silfurbergi í Hörpu. Sonja Ýr Þorbergsdóttir, formaður BSRB tók þátt í pallborðsumræðum þar sem fjallað var um vinnumarkaðinn og komandi kjarasamningasviðræður.

Formannaráð BSRB kom saman til fundar í Stykkishólmi dagana 17. og 18. október. Meginefni fundarins var að ræða væntanlegar kröfur BSRB gagnvart stjórnvöldum í aðdraganda kjarasamninga.

Varða – rannsóknarstofnun vinnumarkaðarins hefur hlotið styrk úr Vísindasjóði Orkuveitu Reykjavíkur, VOR til að framkvæma rannsókn á stöðu foreldra á Íslandi með tilliti til möguleika þeirra til að samræma fjölskyldu- og atvinnulíf út frá skipulagi vinnu og skólastarfs.

Ríkisstjórnin sendir launafólki skýr skilaboð með fjárlagafrumvarpinu um að kjarabætur verði eingöngu sóttar við kjarasamningsborðið. Þetta er meðal þess sem fram kemur í umsögn bandalagsins um frumvarpið

Í dag, 7. október, standa ITUC - Alþjóðasamtök stéttarfélaga, fyrir Alþjóðlegum baráttudegi fyrir mannsæmandi vinnu. Dagurinn í ár er helgaður baráttu milljónum launafólks um allan heim fyrir betri launakjörum.

Það var þétt setið á fundi BSRB, BHM og KÍ í gær þar sem endurmat á virði kvennastarfa var til umfjöllunar. Sóley Tómasdóttir, kynja- og fjölbreytileikafræðingur hjá Just Consulting, Heiður Margrét Björnsdóttir, formaður starfshóps um endurmat á störfum kvenna og hagfræðingur BSRB og Helga Björg Ragnarsdóttir, framkvæmdastýra Jafnlaunastofu héldu erindi

Nýr enskur vefur á heimasíðu BSRB hefur verið settur í loftið. Á nýja vefnum má finna allar helstu upplýsingar um starfsemi BSRB t.a.m. ítarlegar upplýsingar um réttindi og skyldur starfsfólks á opinbera og almenna markaðinum, skipulag, stjórn, starfsfólk, nefndir, stefnumál, fræðslu og styrki.